ချိုးနှစ်ကောင် စာနှစ်ကောင် နှင့် ကျွန်တော်

မင်္ဂလာပါ မိတ်ဆွေတို့ရေ။

ဟိုတနေ့က ဟိုဟိုဒီဒီ လျှောက်ကြည့်ရင်း ကျွန်တော်သည် ခြံတံခါး အဝနားက လျှပ်စစ်ဓာတ်အားကြိုးတန်း အပေါ်မှာ ငှက်နှစ်ကောင် ရပ်နားနေတာကို မြင်တွေ့ခဲ့ရပါသည်။

ထို ငှက်နှစ်ကောင်သည် ချိုးငှက်များ ဖြစ်ကြပြီး အဖိုအမနှစ်ကောင်တွဲ ဖြစ်ပါလိမ့်မည်။
ချိုးငှက် အဖို၊အမ လျှပ်စစ်ဓာတ်အားကြိုးတန်း အပေါ်မှာ ချစ်ခင်နေကြတာ မြင်ရတော့ ကျွန်တော်တို့ အရွယ်ငယ်ငယ်က ရွတ်ဆိုခဲ့ဖူးသော မြန်မာကဗျာ ကို သတိရမိပါတယ်။

ချိုးနှစ်ကောင်
ထနှောင်းပင် ညီနောင်က
လွမ်းအောင် ကူချွဲ
ပန်းတော်ဖြူ
ပင်မြတ်နေဆာထူလှ
ဖိုးတောင်သူ တဲ။

ဒီ ချိုး နှစ်ကောင်ကတော့ ထနှောင်းပင် အပေါ်ကနေ တေးသီဆိုနေကြတာ မဟုတ်ပါဘူး။
ချိုးနှစ်ကောင်၏ အနား လျှပ်စစ်ဓာတ်အားကြိုး ပေါ်မှာလည်း စာကလေး နှစ်ကောင်ကို မြင်ခဲ့ရပါသေးသည်။

ဒီမနက်မှာတော့ မိုးက အုံ့မှိုင်းနေပြီး ငှက်ကလေးတွေက ဘာသာဘာဝ နှစ်ကောင်တွဲ အတူရှိနေကြတော့ Phone Internet မရတဲ့ ကျွန်တော်က ဘာလုပ်နေရမှာပါလဲ။
မည်သို့ပင်ဆိုစေ ကျွန်တော် ကတော့ Phone Internet ပြန်ရလျှင် Post နိုင်ရန် ငှက်လေးတွေ ပုံကို phone camera ဖြင့် ဓာတ်ပုံရိုက်ယူခဲ့ပါတယ်။

ကဲ ခုတော့ HIVE Blockchain ပေါ်မှာ ဟိုတနေ့က ကျွန်တော် တွေ့မြင်ခဲ့ပုံလေးတွေကို အမှတ်တရ ဖော်ပြလိုက်ရပါတယ်။

တင်အောင်စိုး