ဉာဏ်ပညာ ချစ်ခြင်းတရား။

ပညာရှာ ပမာ သူဖုန်းစား။ ဒီစကားအဓိပ္ပါယ်က
ရှင်းသည်။ ပညာကို သူတောင်းစား၊ သူဖုန်းစား
လို ရှာဖွေရမည်။ သို့သော် ယခုခေတ်ကတော့
ပညာကို ငွေလမ်းခင်းပြီး ရှာရသည်။
ငွေမရှိပါက ပညာသည် လိုက်လေ ဝေးလေ
ဖြစ်သည်။

ပညာအတွက် ငွေကြေး တက်နိုင်သူတို့က
တိုင်းခြား ပြည်ခြားသွားရောက်ရှာဖွေ
ကြသည်။ ငွေမတက်နိုင်သူသူတို့အတွက်
လက်လှမ်းမှီ ပညာရေးသာ အားထားရသည်။
ရှေးလူကြီးများကတော့ မိန်းခလေးများကို
သေစာ ရှင်စာ ဖတ်တတ်ပြီးရောဟု
ဆိုတတ်ကြသည်။ ယောင်္ကျားလေးများ
အတွက် ပညာကို အဓိကထားသင်ပေးကြသည်။

ရှေးလူကြီးတို့က မိန်းခလေးများထက်
သားယောင်္ကျားလေးများကို ပညာရေးမှာ
ဦးစားပေးသည်။ သူရို့ စိတ်ကူးနဲ့သူရို့တော့
ဟုတ်ပေမည်။ မိန်းလေးက အိမ်မှာ
အိမ်ထောင်တာဝန် လုပ်ဆောင်သည့်အတွက်
ပညာများစွာသင်ကြားရန်မလိုဟု ထင်ကြသည်။
ယခုခေတ်မှာတော့ ရှေးခေတ်နှင့်မတူတော့ပေ။
ယောင်္ကျား မိန်းမ တူညီစွာ ပညာကိုသင်ကြား
ရပေသည်။

မြတ်နိုးဖွယ်ရာ ရတနာအစစ်သည်က အသိပညာ
ဖြစ်သည်။။ ပညာသုံးမျိုးရှိပေသည်။

1. မွေးရာပါ ပညာ
   ထိုပညာသည်က လူတိုင်းမရှိ။ ရှိသူသည်
   သူများထက်ပို ပိုတော် ပိုထက်မြတ်သည်။

2. အဆင့်ဆင့်သင်ယူလေ့ကျင့်ရာမှ ရရှိသည့်ပညာ။
   လူတိုင်း ဆည်းပူးလေ့လာ ရယူနိုင်သည်။

3. နည်းလမ်းကို အသုံးချပြီး စနစ်တကျ
   လေ့ကျင့်သည့်ပညာ ဝိပဿနာပညာ။
   ဘုရား၏အဆုံးအမ အတိုင်းလိုက်နာ
   ဆောင်ရွက်သည့်ပညာ။

ဉာဏ်ပညာနှင့်ပတ်သက်၍ ဗမာလူမျိုးများက
ထက်မြတ်ကြသည်။ နိုင်ငံတကာ အသံလွှင့်ရုံ
တခုက လူတဦးပြောသွားသည်။ သူနဲ့တွဲလုပ်
သည့် ဗမာပြည်က လူတွေက ဘရိုက်ဖြစ်သည်
ဟု ပြောဖူးသည်။ ထက်ထက်မြတ်မြတ်
လူတော်က ရှားပါးသည်။

နာဆာမှာ ဗမာလူမျိုးအလုပ်လုပ်သူရှိသည်။
ကမ္ဘာနှင့်အဝေးမှာရှိသော ဂြိုလ်ကြီးနှစ်လုံးကို
ဗမာပြည်မှ အမည်များပေးထားသည်။
ဂြိုလ်အမည်များမှာ ဧရာဝတီနှင့် ပုဂံဟု
သိရသည်။ ဗမာလူမျိုးတို့ ဘရိုက်ဖြစ်ပါလျှက်
ကြိုးစားမှုလိုသည်။ တယောက်နဲ့ တယောက်
ပူးပေါင်း လုပ်ဆောင်မှု အားနည်းကြသည်။
အုပ်စုဖွဲ့လုပ်ကိုင်ပါက မညီညွတ် မတည့်သည်က
များကြသည်။ ဗမာတို့က ပင်ကိုယ် အရည်အချင်း
ကောင်းပါလျှက် ဖော်ပြပါ အချက်များက
တိုးတက်မှုကို ဖျက်ဆီးနှောက်ယှက်နေပေသည်။

@htwegyi
10-9-2022