စိတ်သည်........

စိတ်သည် လက်ဖြစ်တတွတ်သော အခိုက်မှာပင်
အရှိန်အဟုန်ပြင်းစွာ ခရီးနှင်သည်။ ကြောက်စရာ
ကောင်းသော စိတ် ပါပေ။ အံ့ဩစရာကောင်းသော
စိတ်ပါပေ။ ယခု စာရေးနေစဉ်ပင် တောင်မြောက်
အတွေးများက ဝင်ရောက်လာသည်။ စိတ်ကို
အလိုလိုက်ပါမူ အတော်ကို မလွယ်ကူ ဆိုသလို။
ပိုစ့်ရေးနေစဉ်ပင် Hive ဈေးက မတက်နိုင်ဘူး။
Hive ဈေးလေး တက်ပါရင် သိပ်ကောင်းမယ်။
Hive ဈေးလေး တစ်ဒေါ်လာ အထက် ရောက်လို့
ကတော့ ဖုန်းလေးဝယ်ရမလား။ ဘာဝယ်ရမလဲ။
ဘာဟဲ့ ညာဟဲ့ နှင့် စိတ် သည် ပြေးလွှားနေသည်။

ကျွန်တော်သည် အပတ်စဉ် စနေနေ့တိုင်း
ဆွမ်းလောင်းလှူသည်။ ထိုသို့ ဆွမ်းလောင်းလှူရာ
တွင် ကျွန်တော်လှူ‌သော ဆွမ်းခံသံဃာတော်များမှာ
ကိုရင်လေးများ အများအပြားပါရှိသည်။
မင်းကွန်းဆရာတော်ကြီး၏ ဟောကြားချက်မှာ
ကိုရင်လေးများကို ဂရုတစိုက်လောင်းလှူရန်
ပါရှိသည်။ ကိုရင်လေးများသည် နောင်တွင် ဗုဒ္ဓ၏တရားတော်များကို ဆက်လက် လက်ဆင့်ကမ်းယူမည့် ပုဂ္ဂိုလ်လောင်းလေးများဖြစ်သည်။

ကိုရင်လေးများသည် ကလေးပီပီ ဆော့ကစား
သည်ကိုလည်း ခွင့်ပြုပေးထားပါ။ ကလေးဘဝ
ကိုရင်ဘဝမှာ ပျော်ပါစေ။ နောင်သောအခါ
သူရို့ ဘာသာ ပြုပြင်သွားပေမည်။ ဆရာတော်ကြီး၏
ဟောပြောမှုကြောင့် ကိုရင်လေးများကို ဂရုပြုမိသည်။
ဆရာတော်ကြီးရှိစဉ် အချိန်နှင့် ယခုကာလ
သည် အတော်ကို ပြောင်းလဲခဲ့သည်။ အထူးသဖြင့်
ဖုန်းနှင့် အင်တာနက်ဆိုသည့်အရာကြီးက
အတော်ပြောင်းလဲ စေခဲ့လေသလား။

မနက်ခင်း အိမ်ရှေ့သို့ကြွလာသော ကိုရင်ပေါက်စ
များကို သတိထားမိသည်။ ဆယ်ကျော်သက်အရွယ်
ကိုရင်ငယ် အချို့သည် ဆေးလိပ်သောက်နေသည်
ကိုတွေ့ရသည်။ ကိုရင်ငယ် သုံးလေးပါးသည်
ဖုန်းတလုံးကို တိုးဝှေ့ကြည့်နေသည်။ ဖုန်းကို
ကြည့်သည်မှာ ခဏထားပါလေ။ ဆယ်နှစ်ကျော်
ဆယ့်သုံးဆယ့်လေး ကိုရင်ငယ် ဆေးလိပ်သောက်နေသည်ကို
မြင်ရတာ အဆင်မပြေလှပါ။

ဖုန်းနှင့် အင်တာနက်ဆိုသည့်အရာကြီးကလည်း
ကိုရင်နှင့် ဦပဇင်းငယ်များအတွက် ယူတတ်ရင်
ပညာဖြစ်သည်။ မယူတတ်သောအခါ အဆိပ်
ဖြစ်စေသည်။ ကိုရင်နှင့် ဦပဇင်းများသည်
လူသားများ၏ စိတ်ထင်တိုင်း ပြုလုပ် ရိုက်တင်ထားသော
အရာများကို ဖုန်းများမှကြည့်မိပေမည်။
အဲ့သည်မှာ -

မြတ်စွာဘုရားဟောကြားတော်မူထားသည်။

"ပါပသ္မိံ ရမေတ မနော"

ဓမ္မပဒပါဠိတော်မှာဆိုပါတယ်။

"စိတ်သည် မကောင်းရာ၌သာလျှင် မွေ့လျော်၏"

လောကကို ခြယ်လှယ် ပြုပြင် စီမံဆွဲဆောင်နိုင်စွမ်း
ရှိတဲ့ ဒီစိတ်ဟာ ကောင်းတဲ့တရားတွေမှာ မွေ့လျော်လေ့မရှိဘူး။
မကောင်းတဲ့ တရားတွေမှာသာ
ပိုပြီးမွေ့လျော်လေးရှိပါတယ်။

စိတ်ရဲ့ အလိုဆန္ဒတွေနောက်ကို မိမိက မလိုက်ပါရ
ပါဘူး။ မိမိရည်မှန်းရာနောက်သို့သာ စိတ်က
လိုက်ပါပြီး မိမိကို တွန်းပို့အောင် စိတ်ကို ပြုပြင်
ထားရမည်။

စိတ်သည် ကာမဂုဏ်အာရုံတို့၌ တုန်လှုပ်တတ်သည်။
စိတ်ကို ကာမဂုဏ်အာရုံတွေဆီကို မရောက်အောင်လည်း
တားမြစ်ဖို့ခက်ခဲသည်။

ဆိုတော့ ယနေ့ ကြားရ၊ မြင်ရ၊ တွေ့ရသော
ဘွီးတို့၏ ပြဿနာများသည်လည်း အင်တာနက်ကြီး၏
စနက်လည်း မကင်းဟု ဆိုရမလို။
သို့ပေသိပေါ့လေ မကောင်းမှုကို ရှောင်ပြီး၊
ကောင်းမှု ဆောင်ကြရမည် မဟုတ်ပါလား။

@htwegyi
August 19, 2025